الفاكهة الممنوعة فى الدايت

كلنا عارفين ان الفواكه مفيدة بشكل عام لصحة الجسم لاحتوائها على المغذيات الدقيقة ( الفيتامينات و المعادن ) اللي الجسم بيحتاجها بشكل يومي

و مضادات الاكسدة اللى بتساعد فى حمايه الجسم من امراض كتير

و كمان بتحتوي علي الالياف اللى بتساعد فى تحسين اداء الجهاز الهضمى

ايه هي الفواكه الممنوعة فى الدايت ؟

مفيش حاجه اسمها فاكهة ممنوعه , الفواكه بشكل عام مفيدة جدا .

هي الفاكهة بتزود الوزن ؟

فى فواكه كتير سعراتها قليلة زى التفاح و البطيخ مثلا

و فى فواكه سعراتها عالية زى الموز و الافوكادو

الفكره انك تكون عارف احتياجاتك من السعرات الحراية و تحسب سعرات الفاكهة دى من اجتياجاتك , ساعتها هتعرف ان لا الموز بيتخن ولا التفاح بيخسس

انسب وقت فى اليوم ممكن اكل فيه فاكهة ؟

ممكن تعتبرها سناك صحي بين الوجبات لانها بتحتوي على الياف هتساعدك تحس بالشبع

او قبل التمرين بساعه تقدر تاخد فاكهة غنية بالكاربهيدرات سريعه الامتصاص زى الموز علشان تمدك بالطاقه فى وقت التمرين

او بعد التمرين مباشرة علشان تعوض الجيلايكوجين اللى جسمك فقده فى وقت التمرين و ترجع الطاقه لمستوايتها الطبيعية

ملخص الموضوع الفاكهة شيء اساسي فى اى نظام غذائي متوازن ممكن تضيفها لنظامك مهما كان الهدف من النظام نفسه ( زيادة وزن او فقدان دهون او حتي ثبات ) الفاكهة هساعدك

فى منها انواع كتير و اطعمه هتساعدك تحب الدايت و فوايدها كتير